Òganizasyon Planifikasyon Metwopoliten Rejyon Boston                   Ete 2021

Gid POP a

Gid Ou pou Pwogram Sansibilizasyon Piblik MPO Rejyon Boston nan

Èske ou se yon lidè kominotè, avoka, ofisyèl ki eli, ibanis, oswa moun ki vle aprann plis sou kijan pou angaje nan pwosesis planifikasyon transpò rejyonal la? Alò gid sa se pou ou.

Nan gid  sa

Pwogram Sansibilizasyon Piblik MPO Rejyon Boston nan (Public Outreach Program, POP)

Manm MPO Rejyon Boston yo

Objektif MPO yo

Opòtinite pou angaje nan pwosesis planifikasyon an

Prensip sansibilizasyon piblik MPO a

Istorik MPO yo

Kisa Pwogram Sansibilizasyon Piblik MPO a ye?

Pwogram Sansibilizasyon Piblik (Public Outreach Program, POP), Òganizasyon Metwopoliten (Metropolitan Organization, MPO) Rejyon Boston nan se estrateji MPO a ki enkli tout moun ki nan pwosesis planifikasyon transpò rejyonal Boston nan. Pwogram nan ap lite pou asire ke yo bay tout manm piblik la opòtinite pou patisipe, ki enkli popilasyon ke sistèm transpò a te defavorize yo epi ki manke aksè nan pwosesis pou pran desizyon an. POP a oryante efò MPO a pou ofri opòtinite kontini epi enpòtan pou manm piblik la pou enfliyanse epi fasone jan yo pran desizyon transpò nan rejyon an. POP a kouvri tout aktivite sansibilizasyon nan rankont MPO yo nan fowòm sou plas ak anliy yo, kominikasyon dijital, ak evènman sansibilizasyon tanporè yo.

MPO Rejyon Boston nan kwè ak fèmte ke angajman piblik ki enpòtan fè pati travay planifikasyon transpò òganizasyon an. Angajman piblik la amelyore jan yo pran desizyon lè li ede fè limyè sou benefis sosyal, ekonomik ak anviwònmantal ak dezavantaj desizyon transpò yo epi lè yo apiye yon sikwi kòmantè kontini nan sikonstans ki toujou ap evolye yo.

Kesyon, Kòmantè, Refleksyon? Kontakte pèsonèl MOP a

Kowòdonatè Sansibilizasyon Piblik

publicinfo@ctps.org, 857.702.3658

Kiyès ki konpoze konsèy MPO Rejyon Boston lan?

Zòn planifikasyon MPO Rejyon Boston lan anglobe 97 minisipalite ak apeprè 3,522 kilomèt kare soti Boston rive Ipswich nan nò, soti Marshfield rive nan sid, ak apeprè 495 Interstate nan lwès. Li se fwaye plis pase twa milyon moun epi sipòte plis pase de milyon djòb.

Konsèy MPO a konpoze ak 24 manm konsèy eta, rejyonal, minisipal, k ap travay nan kowoperasyon pou pran desizyon sou planifikasyon rejyonal ak priyorite finansman yo. Reprezantan minisipal yo eli chak twa zan sou yon baz kontini. Vil Boston nan gen de syèj pèmanan. Ansanm ak reprezantan ki soti nan minisipalite atravè rejyon an, gen senk syèj pèmanan pou ajans transpò yo ki enkli, MassDOT, MBTA, ak MassPort. Konsèy Planifikasyon Zòn Metwopolitèn nan (Metropolitan Area Planning Council, MAPC), Konsèy Konsiltatif MBTA a ak Konsèy Konsiltatif MPO a genyen syèj pèmanan tou. Vizite sitwèb MPO Rejyon Boston nan pou wè lis Konsèy MPO Rejyon Boston ki pi ajou a.

Ki objektif MPO yo ?

Kongrè a te kreye MPO a pou fè pwomosyon ant ajans eta, òganizasyon, ak vil ak minisipalite lokal yo ki enplike nan planifikasyon transpò rejyonal la. Konsèy MPO ki eli a chaje puo deside sou kijan pou depanse yon pòsyon nan lajan transpò federal la pou rejyon an sou etid transpò estaf MPO a te fè ak pwojè konstriksyon yo. Konsèy la te apwouve tou tout fon transpò federal yo te itilize nan rejyon an, ki enkli finansman pou transpò piblik, pwojè wout, bisiklèt ak pyeton. Finansman MPO a ap etabli atravè lejislasyon transpò, sa ki pi resan an se Lwa sou Reparasyon Sifas Transpò Amerik (FAST: Fixing America’s Surface Transportation) 2015 lan.

MPO Rejyon Boston nan egzèse sèt fonksyon prensipal

1. Etabli epi jere yon kad ki jis epi san pati pri pou yo pran desizyon rejyonal nan fason ki efikas nan rejyon Boston.
2. Evalye amelyorasyon potansyèl nan sistèm transpò nan rejyon Boston nan epi etidye pwoblèm transpò ki enpòtan sou plan rejyonal atravè Pwogram Travay Planifikasyon Inifye a (Unified Planning Work Program, UPWP)
3. Prepare epi kenbe yon Plan Transpò Alontèm (Long-Range Transportation Plan, LRTP), pou rejyon Boston nan, avèk yon orizon 20 tan minimòm ki fikse vizyon transpò, domèn vizyon, ak objektif  MPO a; etabli pwogram envestisman; epi planifye gwo envestisman transpò
4. Devlope yon Plan Amelyorasyon Transpò (Transportation Improvement Program, TIP) chak ane ki dekri pwojè transpò ki finanse nan chak pwogram envestisman pou reyalize objektif LRTP a
5. Angaje piblik la lè li ofri tout moun ki enterese yo opòtinite pou angaje nan tout fonksyon desizyon MPO a pran yo atravè Pwogram Sansibilizasyon Piblik la (Public Outreach Program, POP)
6. Asire konfòmite ak dwa sivil federal ak eta yo ak egzijans pou pa gen diskriminasyon atravè Pwogram Ekite Transpò a, epi envesti nan pwojè transpò ak etid yo ki amelyore aksè, mobilite, sekirite, ak lòt rezilta pou gwoup ki defavorize yo pandan y ap minimize chaj ki danjere yo
7. Fè Planifikasyon ki Baze sou Pèfòmans lè yo etabli sib epi evalye enpak akzyon MPO yo

Kijan ou ka enplike?

• Patisipe nan rankont MPO ak Komite MPO yo (an pèsòn oswa vityèl) kote ou ka wè pwogrè nan aksyon epi bay oswa soumèt kòmantè ou
• Patisipe nan sesyon enfòmasyon, atelye, ak fowòm ke estaf MPO a akeyi sou plan ak etid MPO yo
• Patisipe nan ankèt MPO yo sou plan, pwojè, ak inisyativ presi yo pou fasone rechèch ak politik yo
• Rejwenn Konsèy Konsiltatif pou Transpò Rejyonal la oswa lòt gwoup travay ak fòs entèvansyon MPO yo
• Envite pèsonèl MPO a nan rankont oswa evènman òganizasyon w lan pou prezante rechèch ak pwogram MPO yo oswa koute manm kominote a pataje bezwen transpò yo
• Rann MPO a responsab pou devlope pwosesis planifikasyon transpò a ki enplike chak moun, ki enkli sila yo ki defavorize epi ki manke aksè nan pwosesis pou pran desizyon an
• Enskri imel MPO yo epi swiv @BostonRegionMPO sou Twitter, Instagram, Facebook, ak LinkedIn
• Gade rankont MPO a epi anrejistre evènman sansibilizasyon MPO yo sou chanèl YouTube MPO Rejyon Boston nan
• Fè kòmantè piblik sou Pwogram Amelyorasyon Transpò (Transportation Improvement Program, TIP) a pou ede konsèy MPO a deside ki pwojè pou finanse
• Sijere ide etid pou Pwogram Travay Planifikasyon Inifye (Unified Planning Work Program, UPWP) sou pwoblèm ak priyorite transpò yo
• Angaje nan devlopman vizyon, objektif, senaryo ak estrateji pou Plan Transpò Alontèm (Long-Range Transportation Plan, LRTP)
• Bay fidbak sou kritè pèfòmans lan ak sib MPO a etabli pou evalye plan ak envestisman yo

Konsèy Konsiltatif la

Konsèy Konsiltatif la se yon kò endepandan ki pote pwennvi piblik ak konsèy sou planifikasyon transpò pou MPO Rejyon Boston nan. Abònman li a genyen ladan l minisipalite, òganizasyon pwofesyonèl, gwoup defans transpò, ak lòt ajans eta yo.

Plan Sansibilizasyon Piblik la

Plan Sansibilizasyon Piblik MPO a oryante efò nou pou asire nou ke tout moun gen aksè nan pwogrè planifikasyon transpò rejyonal la. Pou li plis sou enstriksyon, politik, ak egzijans nou yo, li tout plan ki sou sitwèb MPO yo nan bostonmpo.org/public_involvement.

Kisa prensip sansibilizasyon piblik MPO yo ye?

MPO a ap lite pou li ouvè epi angaje, epi pou travay ansanm ak chak moun ki enterese nan pwogram li yo. MPO a ankouraje kontribisyon piblik nan tout aspè lè l ap pran desizyon. MPO a angaje pou favorize yon pwosesis sansibilizasyon piblik ki solid epi ki enkli tout moun pou planifikasyon transpò rejyonal la. Prensip sa yo oryante efò MPO yo nan sansibilizasyon piblik.

• Transparans: Pwosesis pou pran desizyon yo aksesib, ouvè, onèt, epi konpreyansib.
• Enklizyon ak Ekite: Pwosesis dyalòg ak pou pran desizyon volontèman idantifye, rive jwenn, epi ankouraje patisipan nan rezidan yo, avèk efò presi ki fèt pou angaje moun koulè, moun ki gen metriz anglè ki limite, jèn, granmoun, moun ki gen enfimite, ak moun ki gen revni ki fèb yo, ak lòt moun yo majinalize tradisyonèlman yo, ki itilize opòtinite, zouti ak teknoloji ki kreyatif.
• Opòtinite enplikasyon piblik bonè epi kontini: Angajman kominotè se yon pati bonè epi antye nan konsepsyon ak mizanplas plan, politik, etid ak pwogram rejyonal yo.
• Pwosesis bon jan kalite: Pwosesis angajman kominotè yo byen fèt pou adapte ak yon plan, pwogram, oswa pwojè nan fason ki apwopriye, epi adapte ak bezwen k ap chanje yo.
• Konstui relasyon ak manm kominote ki divèsifye yo: Pèsonèl la devlope relasyon travay alontèm, ki kolaboratif ak opòtinite aprantisaj ak rezidan, òganizasyon kominotè, minisipalite, ak gwoup defans yo.
• Evalyasyon ak amelyorasyon kontini: Pèsonèl sansibilizasyon an evalye efò angajman yo san rete atravè mezi kantite ak kalite pou amelyore pratik sansibilizasyon piblik MPO a epi pataje kòmantè piblik la.

Poukisa MPO a te kreye?

MPO yo nan yon gran pati se te yon reyaksyon peryòd konstriksyon otowout la nan 1950 yo.

Pwojè yo, tankou Inner Belt nan Massachusetts, t ap deplase plizyyè milye moun.

Ant 1950-70, « Revòt Otowout » yo te defye planifikasyon otowout konvansyonèl la.

Nan konbinezon ak mouvman anviwònmantal peyi a, ak adopsyon Lwa sou Kalite Lè federal la, etablisman lòt règleman sou kalite lè, ak kreyasyon EPA a, efò defans sa yo te atire sipò politik ki enpòtan nan revòlt kont otowout yo.

Nan dat 30 novanm 1970, pa lontan apre li te vin Gouvènè Massachusetts, Francis Sargent te deklare yon moratwa sou konstriksyon otowout andedan Route 128 la epi li te mande yon etid miltimodal konplè sou bezwen transpò rejyon yo.

Atravè Lwa sou Otorout Federal la Finanse 1973 la, yo te bay Òganizasyon Planifikasyon Metwopoliten an pouvwa pou otorize itilizasyon fon transpò federal yo.

Pou plis enfòmasyon toujou sou listwa MPO Rejyon Boston nan, vizite sitwèb MPO Rejyon Boston nan.

Pou plis detay sou Pwogram Sansibilizasyon Piblik MPO a

Vizite BostonMPO.org/public_involvement.

Mèsi pou enterè ou nan MPO Rejyon Boston nan ak pwosesis planifikasyon transpò a!

The Boston Region Metropolitan Planning Organization

10 Park Plaza, Suite 2510

Boston, MA 02116

BostonMPO.org